‘जारी’को फस्टलुक सार्वजनिक

लेन्सनेपाल २०७६ फागुन १७

चलचित्र ‘जारी’को फस्टलुक पोस्टर सार्वजनिक गरिएको छ । उपेन्द्र सुब्बाको लेखन तथा निर्देशन रहेको चलचित्र मगर समुदायको ‘जारी’ प्रथामा आधारित रहेको जनाइएको छ ।

सुरेश मियोङ लिम्बुको कथा रहेको चलचित्रमा दयाहाङ राई, मिरुना मगर, प्रेम सुब्बा, विजय बराल, अनिल सुब्बा, रोयदीप श्रेष्ठ, रेखा लिम्बु, पुस्कर गुरुङ, कमलमणी नेपाललगायतका कलाकारको अभिनय छ । पोस्टरमा मध्य पहाडी पृष्ठभूमि छ । दयाहाङ र मिरुना विवाहित दम्पतिको भूमिकामा छन् ।

निर्देशक रामबाबु गुरुङले निर्माण गरेको चलचित्रमा शैलेन्द्र ध्वज कार्कीको छायाँकन, झुमा लिम्बु र संगम पन्तको संगीत र निमेष श्रेष्ठको सम्पादन छ । चलचित्र २०७७ जेठ २३ मा प्रदर्शनको तयारीमा छ ।