विजय अभिनित ‘जनै हराएको मान्छे’को टिजर सार्वजनिक, कोरिया सपनाको कथा

चलचित्र ‘जनै हराएको मान्छेः सम्बन्धका धागाहरू’को टिजर सार्वजनिक गरिएको छ । सार्वजनिक टिजरमा सपना, संघर्ष, प्रेम र धोका चित्रण गरिएको छ ।

विवाहको दृश्यसँगै सुरु हुने टिजरमा चलचित्रका मुख्य पात्र विजय बरालको कोरिया सपना केन्द्रमा छ । कोरिया जान बुवालाई मनाउँदाको नोकझोक र काठमाडौं पुगेपछि आफ्नै गाउँलेले गरेको ठगीको वरिपरि टिजर घुमेको छ ।

हिमाल न्यौपानेले निर्देशन गरेको चलचित्रको टिजरमा विजयसँगै केकी अधिकारी, मिरुना मगर, सुशांक मैनाली, भोलाराज सापकोटालगायतलाई देख्न सकिन्छ ।

भदौ ६ गते रिलिज हुने चलचित्रमा विजय, केकी, मिरुना, भोलाराज र सुशांकसँगै रियर राई, भावना खपांगी मगर, रुपेश लामा, सुमन थापालगायतको अभिनय रहेको छ ।

पेपरक्लिपको ब्यानरमा निर्माण भएको चलचित्रका निर्माता कमल न्यौपाने र विमल न्यौपाने हुन् । कार्यकारी निर्मातामा नारायण तिमिसिना, चुडामणि सिवाकोटी, आरके मानन्धर, सिआर बस्नेत, फिलिप डिसी र जेम्स महाराजन रहेका छन् । चलचित्रको असोसियट निर्देशक मनिष राउत हुन् ।

चलचित्रमा भानुभक्त ढकालको लेखन, थानेश्वर गौतम, अर्जुन पोखरेल, एसडी योगी र प्रशान्त सिवाकोटीको संगीत, नवीन गुरुङको डीओपी, कृष्ण परियारको सिनेमेटोग्राफी, भरत रेग्मीको सम्पादन, सुप्रिम पराजुलीको कलर, सुनील क्षेत्रीको कोरियोग्राफी र चुल्ठे काजीको द्वन्द्व निर्देशन रहेका छ ।