‘ज्याकीः आई एम ट्वान्टी वान’मा जसिताको डान्सिङ मुड

लेन्सनेपाल २०७९ फागुन ३०

चलचित्र ‘ज्याकीः आई एम ट्वान्टी वान’की अभिनेत्री जसिता गुरुङको क्यारेक्टर लुक सार्वजनिक गरिएको छ । यसअघि ३ वटा प्रचार सामाग्रीमा अभिनेता धिरज मगरको मात्र गेटअप सार्वजनिक गरिएको थियो । आगामी बैशाख २१ गतेबाट प्रदर्शनमा आउने चलचित्रमा धिरज र जसिताको मुख्य भूमिका रहेको छ ।

आइकोर फिल्मस्को ब्यानरमा निर्माण भएको चलचित्रलाई रेनशा राईले निर्देशन गरेकी हुन् । यसअघिका प्रचार सामग्रीमा जस्तै जसरीको लुक रिभिल गर्दा पनि उनलाई डान्स मुभमेण्टमा प्रस्तुत गरिएको छ । चलचित्रमा जसितालाई ‘रुबी’ पात्रको भूमिकामा देख्न सकिनेछ ।

प्रभु शमशेर जबरा र प्रज्ज्वल शमशेर जबराको लगानीमा निर्माण भएको चलचित्रलाई निर्माण पक्षले डान्स ड्रामा भनेको छ । चलचित्रमा धिरज र जसिताका अलवा अरुण क्षेत्री, प्रेम सुब्बा लगायतका कलाकारको पनि अभिनय रहेको छ ।

चलचित्र रेनशाको कथा तथा पटकथा, रोहित शाक्य, स्वप्न सुमन र कालिप्रसाद बाँस्कोटाको संगीत, सुशन प्रजापतिको छायांकन र निमेष श्रेष्ठको सम्पादन रहेको छ ।