‘हनी बनी’को फर्स्टलुक पोस्टर सार्वजनिक

लेन्सनेपाल २०८० असोज ८

चलचित्र ‘हनी बनी’को फर्स्टलुक पोस्टर सार्वजनिक गर्दै माघ २६ गतेलाई प्रदर्शन मिति घोषणा गरिएको छ । सोमबार सार्वजनिक फर्स्टलुकमा अभिनेता अभिमन्यु तोमर र अभिनेत्री जसिता गुरुङ रोमान्टिक देखिएका छन् ।

निर्देशक दीवाकर भट्टराईको लेखन तथा निर्देशन रहेको लभस्टोरी चलचित्रमा सूर्यमाला खनाल, सलोन बस्नेत, अजुनजंग शाहीलगायतको पनि अभिनय छ ।

एबी इन्टरनेशनलले गौतम प्रोडक्सन एण्ड भ्वाइस फिल्म्ससँग सहकार्य गरेर निर्माण गरेको चलचित्रका निर्माता अमित बस्नेत, परी राना र आरोन बस्नेत हुन् भने सहनिर्माता अजित थापा र सनिस खकुरेल हुन् । अंकित गौतम कार्यकारी निर्माता रहेको चलचित्रको एसोसिएट निर्मातामा सुरज कुँवर र अजित पल सिंह छन् । चलचित्रमा निर्माता अमित स्वयंको पटकथा लेखन रहेको छ । चलचित्रको छायाँकन अघिल्लो वर्षको जेठमा लण्डनमा गरिएको थियो ।