‘गोर्खा वारियर’ को गीत ‘जय जय गोर्खाली’ सार्वजनिक

लेन्सनेपाल २०८० माघ २५

फागुन ११ गतेबाट प्रदर्शनमा आउने चलचित्र ‘गोर्खा वारियर’मा समावेश गीत ‘जय जय गोर्खाली’ सार्वजनिक गरिएको छ । सार्वजनिक गीतमा राजेश पायल राईको स्वर, शैलेन्द्र खनाल ‘शरद’को शब्द र एलिस कार्कीको संगीत रहेको छ । गीतले गोर्खालीहरुको वीरताको बर्णन गरेको छ ।

ऐतिहासिक कथाको चलचित्रलाई मिलन चाम्सले निर्माण तथा निर्देशन गरेका हुन् । चलचित्रमा रितेश चाम्स, विजय लामा, रेविका गुरुङ, शिशिर बाङ्देल, कविता आले, रेयर राई, बिरूप घले, सारा राई,आरुस जंग सारु लगायतका कलाकारहरूको मुख्य भूमिका रहेको छ ।

‘गोर्खा वारियर’ नेपाली, हिन्दी, अङ्ग्रेजी र कोरियन गरी चार भाषामा प्रदर्शन हुँदैछ । चलचित्रको नेपाली संस्करण तयार भइसकेको छ भने हिन्दी, कोरियन र अङ्ग्रेजी संस्करणको डबिङ्ग अन्तिम चरणमा छ ।

चलचित्रमा निर्देशक मिलन चाम्स र गिरिराज घिमिरेको लेखन, हिमाल केसीको द्वन्द्व, मिलन श्रेष्ठको सम्पादन, सुदीप बरालको डीओपी, शैलेन्द्र खनाल ‘शरद’को गीत, एलिस कार्कीको संगीत र राजेश पायल राईको गायन रहेको छ ।

लन्डन सिनेआई प्रोडक्सनको प्रस्तुति र चाम्स इन्टरटेनमेन्टको सहकार्यमा निर्माण भएको चलचित्रको निर्मातामा सुमन राई, सुस्मिता वाइबा छन् । यसको कार्यकारी निर्मातामा प्रशान्त थापा, राजेन्द्र घिमिरे एवम् सह–निर्मातामा सुरेश राई रहेका छन् ।