चलचित्र ‘गाउँ आएको बाटो’को टिजर सार्वजनिक

लेन्सनेपाल २०८१ बैशाख २४

नवीन सुब्बा निर्देशित चलचित्र ‘गाउँ आएको बाटो’को टिजर सार्वजनिक गरिएको छ । सोमबार काठमाडौंमा आयोजित एक कार्यक्रमका बिच टिजर सार्वजनिक गरिएको हो ।

सार्वजनिक टिजरमा परम्परागत जीवनशैली र आधुनिक परिवर्तनबीचको संघर्ष चलचित्रको कथा रहेको संकेत गरिएको छ । नबिन सुब्बाको निर्देशन रहेको चलचित्रको मुख्य भूमिकामा दयाहाङ राई, पशुपति राई र प्रसान राईले अभिनय गरेका छन् ।

टोरोन्टो र बुसान फिल्म फेस्टिभलमा समेत प्रशंसा बटुलेको ‘गाउँ आएको बाटो’को पटकथा निर्देशक सुब्बाले महेश राईसँगको सहकार्यमा लेखेका छन् । मेन्छ्याम फिक्चर्स र बाँसुरी फिल्मस्को संयुक्त ब्यानरमा निर्माण गरिएको चलचित्रका निर्माता अमोद राई र निर्देशक सुब्बा हुन् । यस्तै चलचित्रका कार्यकारी निर्मातामा सञ्जु राई, देवराज राई, नरहाङ राई र भीम राई छन् । चलचित्र जेठ २५ गते प्रदर्शन हुँदैछ ।