‘गणपति’को गीत ‘ए मेरी आमा’ सार्वजनिक

लेन्सनेपाल २०८० बैशाख ७

चलचित्र ‘गणपति’को गीत सार्वजनिक गरिएको छ । मातातीर्थ औंसीको अवसर पारि रिलिज गरिएकोे ‘ए मेरी आमा’ बोलको यो गीत छोटो भर्सनमा संवादसहित रिलिज गरिएको छ । प्रमुख अभिनेता मुकुन भुषाल र उनकी आमाको चरित्र निर्वाह सुर्यमाला खनालको कथा बोल्ने गीतलाई चलचित्रमा नै पुरा हेर्न सकिने बताईएको छ । गीतमा निर्देशक सबिन अधिकारीकै शब्द तथा संगीत र प्रविन भेडुवालको स्वर रहेको छ ।

लक्ष्मण थापाको निर्माण रहेको चलचित्रमा मुकुन र मेनुकाको साथमा कविता न्यौपाने, सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, देवेन्द्र बब्लु, शुशील पोखरेल लगायतको अभिनय रहेको छ ।

एबिगम्यान फिल्मसको ब्यानरमा थापाले निर्माण गरेको चलचित्रमा हरिबहादुर घलेको छायांकन रहेको छ ।