‘फिल्ममेकिङ माष्टरक्लास’मा ५४ जना सहभागिता

लेन्सनेपाल २०८१ मंसिर ३०

चलचित्र विकास बोर्डको आयोजनामा जारी ‘फिल्ममेकिङ माष्टरक्लास’मा ५४ जनाले सहभागिता जनाएका छन् । चलचित्रका विद्यार्थी तथा चलचित्रकर्मिहरुको सहभागिता रहेको ५ दिने माष्टरक्लास डिसेम्बर १७ मा समापन हुनेछ ।

माष्टरक्लासको उद्देश्य अंग्रेजी तथा अन्य विदेशी चलचित्र सरह दृश्य सोच तथा उत्पादन गर्न सक्ने क्षमता अभिवृद्धि गर्नु रहेको सबोर्ड अध्यक्ष दिनेश डिसीले जनाएका छन् । कार्यशालाले चलचित्र निर्माणमा आफ्नो ज्ञान र सीपहरु गहिरो बनाउन चाहने विद्यार्थीहरूलाई उत्कृष्ट अनुभव प्रदान गर्ने लक्ष्य राखेको छ । माष्टरक्लसलाई अष्ट्रेलियामा चलचित्र विषयमा स्नातकोत्तर गरेका सरोज कुमार चौहानले नेतृत्व गरेका छन् ।

प्रत्यक्ष चलचित्र निर्माण प्रदर्शन र ह्यान्ड्स(अन अभ्यासहरू मार्फत सहभागीहरूले सिनेम्याटोग्राफी, प्रकाश, कला डिजाइन, स्टेजिङ र निर्देशन जस्ता महत्त्वपूर्ण पक्षहरूको प्रयोग गरी कसरी हलिउड जस्तो लुक सिर्जना गर्ने भन्ने बारेमा व्यावहारिक ज्ञान हासिल गर्ने अवसर पाउने जनाइएको छ ।

सिनेपाल स्टुडियो, भैसेपाटीमा सञ्चालन भइरहेको कार्यक्रमको समापन कार्यक्रममा सहभागीहरूले निर्माण गरेका लघु चलचित्रहरू प्रदर्शन गरिनेछ ।