चलचित्र ‘डिएनए’को अनाउन्समेन्ट टिजर सार्वजनिक

लेन्सनेपाल २०८१ असोज ७

चलचित्र ‘डिएनए’को टिजर सार्वजनिक गरिएको छ । एक्सन थ्रिलर जनराको चलचित्रमा कलाकारहरु सुधन पोखरेल, दिपक केसी र चिरायु पौडेल प्रस्तुत गरिएको छ । चलचित्रको छायाङ्कन अघि नै ‘अनाउन्समेन्ट टिजर’ रिलिज गरिएको हो ।

चानस पुन मगर र मणि रत्न त्रिपाठीले संयुक्त रूपमा लेखन र निर्देशन रहने चलचित्रमा पौराणिक कथा र एक्सन थ्रिलरको संयोजन रहने जनाइएको छ । चलचित्रको छायाङ्कन भने आउँदो फाल्गुनमा सुरु गर्ने योजना रहेको छ । चलचित्र निर्माण फोनिक फ्लिकले गर्नेछ भने बड पिक्चर्स र अन्डर एक्सपोज सिनेमासँगको सहकार्य रहनेछ ।

चलचित्रमा राजु तामाङको एक्सन, सुशान्त केसी र प्रशान्त योगीको छायाङ्कन, मानस्वी मालाकारको सङ्गीत, गणेश क्षेत्रीको सम्पादन, सुदिल धितालको साउन्ड डिजाइन रहेको छ । चलचित्रका निर्माता कुमार भास्कर हुन् भने एसोसियट निर्माता आशिष पुडासैनी र कार्यकारी निर्माता बिकाश भण्डारी हुन् ।