चलचित्र ‘दशमी’ निर्माणको घोषणा, फूलपातीमा रिलिज हुने

लेन्सनेपाल २०८१ मंसिर ३०

चलचित्र ‘दशमी’ निर्माणको घोषणा गरिएको छ । भक्तपुरको सुर्यविनायक गणेशस्थान मन्दिरमा स्क्रिप्ट पूजा गरी चलचित्र निर्माणको औपचारिक घोषणा गरिएको हो ।

वसन्त निरौलाको निर्देशन रहने चलचित्र रेड आई फिल्म्स र रोमन फिल्म्सको संयुक्त ब्यानरमा निर्माण हुनेछ । राजकुमार पण्डित, राजाराम बुढाथोकी, समीर पण्डित, सौगात पण्डित, पदम तामाङ र भीमप्रसाद आचार्यको लगानी रहने छ । विजय बस्याल कार्यकारी निर्माता रहेको चलचित्रमा दिलीप रानाभाटको लेखन रहने छ ।

चलचित्रको नाम घोषणा गरिए पनि कलाकारको नाम भने सार्वजनिक गरिएको छैन । निर्देशक निरौलाका अनुसार चलचित्र आगामी दसैँको फूलपातीका दिन चलचित्र रिलिज हुनेछ ।