LPT
Gaun Aayeko Bato

चलचित्र ‘दान्भी’को गीत सार्वजनिक

२०८१ जेष्ठ ४
चलचित्र ‘दान्भी’को गीत सार्वजनिक

चलचित्र ‘दान्भी’को पहिलो गीत सार्वजनिक गरिएको छ । सार्वजनिक ‘मायाको खानी’ बोलको गीतमा अर्जुन पोखरेलको संगीत, प्रदिप प्रखर पोखरेलको शब्द र सुरेश लामा र ममता गुरुङ स्वर रहेको छ ।

कविराज गहतराजको कोरियोग्राफी रहेको गीतमा अभिनेत्री पूजा शर्मा र डेब्यु अभिनेता कुन्साङ बम्जनलाई रोमान्टिक अवतारमा प्रस्तुत गरिएको छ । आगामी असार ७ गतेबाट प्रदर्शनमा आउने चलचित्रमा अभिनेत्री पूजा पहिलो पटक एक्सन अवतारमा देखिएकी छन् ।

बदलाको कथामा निर्माण भएको चलचित्रलाई रुपेश तामाङले निर्देशन गरेका हुन् । चलचित्रमा श्री श्रेष्ठको द्वन्द्व निर्देशन छ । देव मगर र अनुप गडाल निर्माता, पवन राना मगर कार्यकारी निर्माता तथा कमला लिम्बु, पञ्च बहादुर तामाङ र श्रवणकुमार श्रेष्ठ सह(निर्माता रहेको चलचित्रमा हरि लामा ‘घले’को छायांकन छ ।
जुना फिल्मस्को व्यानरमा निर्माण भएको चलचित्रमा संजोग कुँवर रानाको पटकथा तथा संवाद, रविना थापा मगरको कथा, बन्दे प्रसादको सम्पादन, सत्यम राना र श्रीकृष्ण श्रेष्ठको भीएफक्स तथा गीतहरुमा अर्जुन पोखरेल, नरेश योगी र केदारराज नेपालीको संगीत रहेको छ ।