घनश्यामको ‘चित्रा’मा अर्पण

लेन्सनेपाल २०७९ चैत्र १७

चलचित्र ‘चित्रा’ निर्माण हुने भएको छ । बिहिबार राम नवमीको अवसर पारि चलचित्रको कास्ट एण्ड क्रिउ सार्वजनिक गरिएको छ ।

घनश्याम लामिछानेको निर्देशन रहने चलचित्रमा अर्पण थापा र सन्तोष अधिकारीको अभिनय रहने पक्का भएको छ । अन्य कलाकार सार्वजनिक नगरिए पनि आगामी भाद्र महिनाबाट छायाँकनमा जाने तयारी रहेको जनाइन्छ ।

सन्तोष अधिकारीकै निर्माण रहने चलचित्र पारिवारिक कथामा निर्माण हुने छ । चलचित्रले एक अडिनरी बाबु र छोरीको कथा प्रस्तुत गर्ने निर्देशन लामिछानेले बताए ।

भावना पन्तको लगानी रहने चलचित्रमा अजय अधिकारीको कथा , मनिष गौतमको पटकथा तथा संवाद, अजय अधिकारीकै गीत र सुरेश राईको संगीत रहनेछ ।