सकियो माधवको ‘चिट्ठी’

लेन्सनेपाल २०७९ बैशाख १५

माधव राज खरेलको निर्देशन रहेको चलचित्र ‘चिट्ठी’को छायांकन सम्पन्न भएको छ ।

एरा प्रोडक्सन प्रा.लि को व्यानरमा निर्माण भएको चलचित्रमा संञ्जित भण्डारी, कमेडि च्याम्पियनका सेकेण्ड रनअप खड्ग बहादुर पुनमगर (खवपु), गोपाल ढकाल (छन्दे), नबुजंग थापा, मुस्कान लामा, प्रवन भुषाल, कन्चन चालिसेका साथै शान्तिप्रिय, श्रीदेव भट्टराई, नम्रता खरेल पौडेल, मोहन निरौला, रश्मि भट्ट, उद्धव भट्टराइर्, कृष्ण भट्टराई, डेविल सिंह राजपुत, राजन थापा, पुरुषोत्तम सानु, पुर्ण राई, राजु कार्की, रज्जु गुरुङ, मुना निरौला, कविन्द्र त्रिपाठी लगायतका कलाकारहरुको अभिनय रहेको छ । जिवन पराजुलीको छायाँकन रहेको चलचित्र चिट्ठीमा नरेश खरेलको मेकअप रहेको छ ।

चलचित्रको छायाँकन काठमाण्डौ, काभ्रपलाञ्चोक, ललितपुर लगायतका जिल्लाका विभिन्न स्थानमा गरिएको छ । चलचित्रमा सरोज कोइराला, जुगल डंगोल र राजेन्द्र बजगाइको संगीत, डा. कृष्णहरि बराल, कमला जोशी र शान्तिप्रियको शब्द र शिव परियार, केञ्जुमा सुब्बा, कृष्ण भट्टराई र बसन्त अर्यालको स्वर रहेको छ ।

निर्देशक खरेलको लेखन रहेको चलचित्र चिट्ठीलाई संचारकर्मी समेत रहेकी निर्माता कमला जोशीले निर्माण गरेकी हुन् । चलचित्रमा राजेश कुमार र समिर मियाँको सम्पादन, एनिमेशन तथा कलर संयोजन, मनोज परियार र अमित श्रेष्ठले ध्वनी मिश्रण रहने छ ।