चिसो मान्छेको टिजर सार्वजनिक

लेन्सनेपाल २०७८ चैत्र १४

निर्देशक दीपेन्द्र के खनालको वहुप्रतिक्षित चलचित्र चिसो मान्छेको टिजर सार्वजनिक भएको छ । एक मिनेट १५ सेकेण्ड लामो टिजरमा अभिनेत्री स्वस्तिमा खड्काको कर्णाली लूक्सले प्रशंसा पाएको छ । उनी कर्णालीको ग्रामिण महिलाहरुले लगाउने भेषभूषामा देखिएकी छिन । चलचित्रको टिजरमा स्वस्तिमाका साथै अर्पण थापा र देशभक्त खनाललाई स्थान दिइएको छ ।

दिपेन्द्र के खनालको लेखन तथा छायांकन रहेको चलचित्रमा कर्णाली क्षेत्रकै कथा समावेश गरिएको छ । डीएस डिजिटल प्रालिको ब्यानरमा शर्मिला पाण्डेले निर्माण गरेको चलचित्रलाई दीर्घ गुरुङले सम्पादन गरेका हुन् । आगामी असार ३ गते प्रदर्शन हुने ‘चिसो मान्छे’ मा स्वस्तिमा, अर्पण र देशभक्तसंगै आशान्त शर्मा, प्रभाकर न्यौपाने, रामबाबु रेग्मी आदि कलाकराले पनि अभिनय गरेका छन् ।