कार्तिक १८ मा ‘बुलाकी’

लेन्सनेपाल २०७९ आषाढ १५

पोष्टर सार्वजनिक गर्दै चलचित्र ‘बुलाकी’को प्रदर्शन मिति घोषणा गरिएको छ । निर्माण टिमले कार्तिक १८ गतेलाई चलचित्रको प्रदर्शन मिति तय गरेको हो ।

लक्ष्मण सुनार निर्देशित चलचित्रको पोस्टरमा कलाकारहरु सुरक्षा पन्त, नरेन खड्का र विराज बिष्टलाई प्रस्तुत गरिएको छ । चलचित्रमा सुरक्षा, नरेन र बिराजका अलवा प्रकाश कँडेल, रमेश बुढाथोकी, सुशील पोखरेल, लक्ष्मी गिरी, कुलदीप अधिकारी, झलनाथ खत्री, सरस्वती खत्री, उपासना वाइवा, सोनु सेढाइ, धनबहादुर राई, लक्ष्मण देवकोटा, वसन्त परियारले अभिनय गरेका छन ।

छत्रेश्वरी म्यानेज्मेन्ट प्रालिको ब्यानरमा सौगात कँडेल सहनिर्माता रहेको ‘बुलाकी’मा शिब ढकालको छायाँकन, टोपेन्द्र बिष्टको निर्माण र स्वर्गिय मोति बिष्टको प्रस्तुति रहेको छ । कर्णाली भेगको जनजीवन, रितिथिति तथा संस्कृति समेटिएको बताइएको चलचित्र डोल्पा, जाजरकोट र रुकुमका बिभिन्न स्थानमा छायांकन गरिएको छ ।