प्रदर्शनको तेस्रो दिनमै निर्माताले उतारे ‘बुलाकी’

लेन्सनेपाल २०८० बैशाख ३

प्रदर्शनको तेस्रो दिनमै चलचित्र ‘बुलाकी’ले आफ्नो प्रदर्शन स्थगित गरेको छ । नयाँ वर्षको अवसर पारेर शुक्रबारबाट प्रदर्शनमा आएको चलचिका निर्माता विराज विष्टले आइतबारबाट प्रदर्शन स्थगित गर्ने घोषणा गरेका हुन् ।

प्रदर्शनको दोस्रो दिनबाटै देशभरका मल्टीप्लेक्सहरुमा ७० प्रतिशत शोज कटौती गरिएको, अफटाइममा शोज दिइएको, मोफसलका मुख्य स्टेशनमा एउटै शो नदिएको जस्ता कारणहरु देखाउँदै उनले चलचित्र उतार्ने घोषणा गरेका हुन् । उनले दर्शकहरूबाट राम्रो प्रतिक्रिया पाएको चलचित्रलाई चौतर्फी घेराबन्दी गरि निर्माता डुबाउने खेल खेलिएको समेत आरोप लगाएका छन् ।

अब दर्शकहरुको मागअनुसार परिस्थिति हेरेर प्रोजेक्टरबाट चोक–चौतारामा चलचित्र देखाउने उनले जनाएका छन् ।