नयाँ वर्षमा ‘बुलाकी’, ‘जारी’ र ‘बिहे पास’ प्रदर्शन

लेन्सनेपाल २०८० बैशाख १

आज बाट ३ नेपाली चलचित्र एकसाथ प्रदर्शनमा आएका छन् । नयाँ वर्षको अवसरपारि प्रदर्शन हुने चलचित्रमा ‘बुलाकी’, ‘जारी’ र ‘बिहे पास’ रहेका छन् ।

एकै दिन प्रदर्शनमा आएका ‘बुलाकी’ र ‘जारी’को स्टोरी लाइन एउटै छ । यि दुबै चलचित्र जारी प्रथाको कथामा आधारित रहेका छन् । यस्तै ‘जारी’ र ‘बिहे पास’ दुबै चलचित्रका मुख्य कलाकार दयाहाङ्ग राई हुन् ।

‘बुलाकी’लाई लक्ष्मण सुनारले निर्देशन गरेका हुन् । चलचित्रमा सुरक्षा पन्त, नरेन खड्का, रमेश बुढाथोकी, लक्ष्मी गिरीलगायतका कलाकारको अभिनय रहेको छ । यस्तै उपेन्द्र सुब्बाको निर्देशन रहेको चलचित्र ‘जारी’मा दयाहाङ्गका साथै मिरुना मगर, पुष्कर गुरुङ लगायतका कलाकारको अभिनय रहेको छ । यता प्रवेश पौडेलको निर्देशन रहेको चलचित्र ‘बिहे पास’मा दयाहाङ्गका साथै प्रकृति श्रेष्ठको मुख्य भूमिका रहेको छ ।