सवारी दुर्घटनामा परि अभिनेता बिपिन कार्की घाइते

लेन्सनेपाल २०७५ मंसिर ४
सवारी दुर्घटनामा परि अभिनेता बिपिन कार्की घाइते

अभिनेता विपिन कार्की सवारी दुर्घटनामा परि घाइते भएका छन् । मोटरसाइकलमा सवार उनलाई कलंकीमा विपरित दिशाबाट आएको अर्को मोटरसाइकलले ठक्कर दिएपछि उनको दाहिने खुट्टामा चोट लागेको छ ।

अहिले उनको बल्खु स्थित बयोधा अस्पतालमा उपचार भइरहेको छ । आइसियुमा राखेर उपचार भएका कारण उनीसँग भेट गर्न दिइएको छैन । पारिवारिक श्रोतका अनुसार उनको खुट्टा भाचिएको रिपोर्ट आएको छ । अहिले अप्रेसनको तयारी भइरहेको छ ।

चलचित्र ‘जात्रै जात्रा’को छायाँकन स्थलमा जाने क्रममा आज बिहान कलंकीमा उनी सवार मोटरसाइकल दुर्घटनामा परेको हो ।