‘छक्का पञ्जा ५’को गीत ‘बिहे भाको छैन’ सार्वजनिक

लेन्सनेपाल २०८१ श्रावन २८

चलचित्र ‘छक्का पञ्जा ५’मा समाबेश ‘बिहे भाको छैन’ बोलको गीत सार्वजनिक गरिएको छ । सार्वजनिक गीतमा सविन सुवेदी र बेनिशा पौडेलको स्वर, दीपकराज गिरी र दीपक शर्माको शब्द र शर्माकै संगीत रहेको छ ।

दशैंको अवसर पारि फुलपाती अर्थात असोज २४ गते देखि प्रदर्शन हुने चलचित्रको गीतमा शीर्ष अभिनेता दीपकराज गिरी र अभिनेत्री वर्षा सिवाकोटी फिचर्ड छन् भने सुनिल क्षेत्रीको कोरियोग्राफी रहेको छ ।

दीपाश्री निरौलाको निर्देशनमा रहेको चलचित्रमा केदार घिमिरेको पनि मुख्य भूमिका रहेको छ भने निर्मल शर्मा, तेज गिरी, आर्यन सिग्देल केमियो भूमिकामा छन् । हरि हुमागाइँको डिओपी तथा उत्तम हुमागाइँको छायांकन रहेको चलचित्रमा दीपकराज गिरी, केदार घिमिरे र दीलिप तामाङको लेखन रहेको छ । चलचित्रमा रोशन श्रेष्ठको द्वन्द्व र विपिन मल्लको सम्पादन छ ।