चलचित्र ‘भूठान’को प्याकअप

लेन्सनेपाल २०८० माघ १७

चलचित्र ‘भूठानः द वर्ल्ड ह्यापियस्ट म्यान’को छायाङ्कन सकिएको छ । अमेरिकाको ओहियो राज्यमा छायाँकनरत् चलचित्रको ‘प्याकअप’ मंगलबार गरिएको हो ।

विनोद पौडेल निर्देशित चलचित्रमा हलिउड अभिनेता ब्रुस डर्न र दयाहाङ राईको एकसाथ छायाङ्कन भएको देखिन्छ । दयाहाङ अमेरिकी आर्मीको पोसाकमा छन् । चलचित्रमा दयाहाङ र ब्रुसका साथै हरिवंश आचार्य, पूजा चन्द लामा, रिचा घिमिरे, भुवन प्याकुरुल, अदिति प्याकुरेल, जोयश पाण्डे, विमल सुवेदी, कौशिला खनाल कर्माचार्यका साथै भारतबाट अनुराधा मजुमदारको पनि अभिनय छ ।

कौशिला खनाल कर्माचार्य, एल.एन. अधिकारी, अपार श्रेष्ठ र रमेश भट्ट कार्यकारी निर्माता रहेको चलचित्रका निर्मातामा राजेन्द्र ठकुराठी, अभिताव जोशी र अविरल थापा छन् ।