पल शाहले गरे भाईरल भिम बिकको घर शिलान्यास

अभिनेता पल शाहले देबघाटका भाईरल भिम बहादुर बिकको घरको शिलान्यास गरेका छन् । समाजसेवी रन्जिता गुरुङ्गको अगुवाइमा भिम बहादुर बिकको घर निर्माण कार्य सुरु भएको हो । समाजिक संजालमा भाईरल भएका भिमको घर ५ बर्ष अघि जलेर पुर्ण रुपमा नष्ट भएको थियो । जलेको घर निर्माण गर्न नसक्दा बर्षातको समयमा घर भित्रै पानी छिर्ने र रातभरि परिवारका सदस्यहरु सुत्न नसक्ने अवस्था आएकाले आउदो बर्षात भन्दा अगाडी नै घर निर्माण गरि हस्तान्तरण गर्ने तयारी रहेको समाजसेवी रन्जिता गुरुङ्गले बताइन् ।

सामाजिक सञ्जाल युट्युबमा उनलाई मजाकको पात्र बनाई भाइरल बनाइएको थियो । सञ्चारकर्मी समेत रहेका म्युजिक भिडियो निर्देशक विकास सुबेदीले उनको वास्तविक जीवनको उतार चढावबारे भिडियो कथा बनाएका थिए । त्यही रिपोटिङ्ग पनि धेरैले उनको सहयोगका लागि हात बढाउन तयार रहेको प्रतिक्रिया दिएका छन् । भिमको घर शिलान्यासका लागि विकासले नै पललाई लगेको बुझिएको छ । पलले पनि उक्त घरको शिलान्यास गर्दै आफुले भौतिक, आर्थिक, समाजिक रुपमा सकेको सहयोग गर्ने गर्ने प्रतिबद्धता जनाएका छन । यस्तै अभिनेता पलले समाजिक कार्यमा सहभागी भएर सहयोग गर्न पाउँदा आफुलाई निकै खुशी मिल्ने बताए ।

घर निर्माण अभियानमा अमेरिका निबासी हेम थापाले आर्थिक सहयोग गरेका छन् । भने बाँकी अपुग रकमका लागी देश तथा विदेशमा रहेका सम्पुर्ण नेपालीहरुलाई सहयोगका अपिल गरिने छ । आगामी नयाँ वर्ष बैशाख १ गतेबाट घर निर्माण कार्य थालनी हुने र वर्षातको मौसम सुरु हुनु अगावै घर निर्माण कार्य सम्पन्न गरि हस्तान्तरण गर्ने लक्ष्य राखेको रन्जिताको छ ।

पल पछिल्लो समय चलचित्र र म्युजिक भिडियोका अलवा समाजसेवामा पनि सक्रिय छन् । पलको मुख्य भुमिका रहेको चलचित्र ‘विर विक्रम २’ आगामी वर्षको जेष्ठ ३ गतेबाट प्रदर्शनको तयारीमा छ ।