८० सालको नयाँ वर्षमा सुहानाको ‘भगवत गीता’

लेन्सनेपाल २०७९ भाद्र ३

कृष्ण जन्माष्टमीको अवसर पारेर चलचित्र ‘भगवत गीता’ को टिजर सार्वजनिक गरिएको छ । मुख्य अभिनेत्री सुहाना थापा कृष्ण भक्त भएकोले पनि टिजर सार्वजनिक गर्न आजकै दिन रोजिएको सहजै बुझ्न सकिन्छ ।

टिजर सार्वजनक गर्दै आगामी नयाँवर्ष अर्थात २०८० वैशाख १ गतेको दिनलाई रिलिज तोकिएको छ । झरना थापाको निर्देशन रहने चलचित्रको टिजरमा अभिनेत्री सुहाना थापा फिचर्ड छिन् । टिजर मधेश प्रदेशको राजधानी जनकपुरमा खिचिएको हो ।

सुनीलकुमार थापाको निर्माण रहने चलचित्र अन्तरजातीय प्रेमकथामा आधारित रहने छ । चलचित्रमा सुहानाले गीताको भूमिकामा अभिनय गर्नेछिन ।