‘२ नम्बरी’को नयाँ लाइनअप वर्षाको ठाँउमा उपसना !

लेन्सनेपाल २०७८ चैत्र ७

चलचित्र ‘२ नम्बरी’मा नायक पछि नायिका परिवर्तन गरिएको छ । निर्माण टिमले औपचारिक जानकारी नदिएपनि नायिका वर्षा राउतको स्थानमा उपसना सिंह ठकुरी भित्रिएकी छिन । केही दिनअघि नायक पल शाहको स्थानमा अर्का नायक सौगात मल्ललाई भित्राएको निर्माण टिमले यतिबेला नायिका परिवर्तन गरेको हो ।

चलचित्रको पुनः छायाँकन चैत्र १५ बाट शुरु गर्ने निर्माण टिमको लक्ष्य छ । उक्त समयमा नायिका वर्षा राउतको समय नमिल्ने भएको छ । वर्षाले सोही डेट एक वेव सिरिजका लागि दिएकी छिन । जसका कारण यो चलचित्रका लागि दिन नसक्ने भएकी हुन । वर्षाले समय दिन नसक्ने भएपछि निर्माण टिम अर्की नायिकाको खोजिमा जुटेको हो । औपचारिक रुपमा निर्माण टिमले कुनै जानकारी नदिए पनि वर्षाको स्थानमा उपसना सिंह ठकुरीसँग मौखिक सम्झौता गरिएको बुझिएको छ । यद्यपी हाल उपसानाको परिक्षा चलिरहेकोले काजगी सम्झौता हुन् भने बाँकी छ । उपसाना भने चलचित्रमा काम गर्न तयार रहेको निर्माण सम्वद्ध स्रोतले जनाएको छ ।

किरण नेपालीको प्रस्तुति रहने चलचित्रलाई दिपेन्द्र लामाले निर्देशन गर्नेछन् ।