‘कल्ली’मा नाजिर र वर्षाको प्रवेश

लेन्सनेपाल २०८१ मंसिर १८

लक्ष्मण सुनारको निर्देशनमा निर्माण हुने सिनेमा ‘कल्ली’मा कलाकारको लाइनअप बलियो बनेको छ । सिनेमामा एकपछि अर्को परिचित कलाकारहरु अनुबन्धित भैरहेका छन् । यसैबीच सिनेमामा अभिनेता नाजिर हुसेन र अभिनेत्री वर्षा राउतको प्रवेश भएको छ । उनीहरुसँग केही दिन पहिले नै लिखित सम्झौता भएको थियो ।

पौषको अन्तिमबाट छायांकनमा जान लागेको सिनेमामा यी दुबै कलाकारहरुको भूमिका के हो भन्ने बिषयमा केही पनि खुलाइएको छैन् । सिनेमामा नाजिर र वर्षासँगै सौगात मल्ल, अर्पण थापा, वुद्दि तामाङ, कमलमणी नेपाल र बेनिशा हमाल, उत्तम प्रधान, माओत्से गुरुङ, रविन्द्र झा, विनोद न्यौपाने, रेअर राई लगायतका कलाकारको अभिनय रहनेछ ।

रेड बर्ड प्रोडक्सन र कस्तुरी प्रोडक्सनको व्यानरमा निर्माण हुन लागेको सिनेमामा निसाल पौडेलको छायांकन, एसडी योगीको संगीत, रामजी लामिछानेको कोरियोग्राफी रहने छ । किरण नेपालीको लगानीमा निर्माण हुन लागेको सिनेमामा निर्देशक लक्ष्मण सुनारको कथा र महेश दवाडीको पटकथा तथा संवाद लेखन छ ।