बालेनल शाहले गाए चलचित्र ‘लाज शरणम्’का लागि गीत

लेन्सनेपाल २०८१ पौष १९

काठमाडौं महानगरपालिकाको मेयरमा निर्वाचित भएपनि गायनमा सक्रिय नदेखिएका बालेन शाह पाश्र्वगायन गरेका छन् । बालेनले चलचित्र ‘लाज शरणम्’का लागि आफ्नै शब्द र संगीतमा हिप–हप गीत गाउका हुन् । यो उनको पहिलो पाश्र्वगायन हो ।

निर्माता कम्पनी जेपीटी क्रियसनले जनाएअनुसार बालेनले केही समयअघि नै गीत रेकर्ड गरेका हुन् । जेपीटी क्रियसनका प्रमुख अर्जुन घिमिरे देशका लागि चलचित्र बनाएको र यसले नेपाली जनजीवन र संस्कृति झल्काउने मन छुने कथामा चलचित्र बनाएको भनेपछि बालेनले खुसी हुँदै गीत रेकर्ड गरेका हुन् ।

बालेनसँग भिडियो बन्न बाँकी झण्डै २० गीत रहेको र तीमध्येबाट एक गीत छानेर ‘लाज शरणम्’का लागि रेकर्ड गरिएको बताइएको छ । गीतलाई चलचित्र रिलिजअघि सार्वजनिक गर्ने तयारी छ । ‘लाज शरणम्’ आगामी १४ फागुनमा प्रदर्शन हुनेछ ।