जापान, नेपाल चलचित्र तथा बहुभाषिक म्यूजिक भिडियो अवार्ड हुने

लेन्सनेपाल २०७९ चैत्र २०

मनोरञ्जन क्षेत्रका बिबिध बिधालाई समेटेर जापान, नेपाल चलचित्र तथा बहुभाषिक म्यूजिक भिडियो अवार्ड २०२३ हुने भएको छ । काठमाडौंमा पत्रकार सम्मेलनको आयोजना गर्दै आयोजक केटिएम अनलाईन टेलिभिजन तथा सांगेन कम्पनी लिमिटेडले सो जानकारी गराएको छ ।

नेपाली चलचित्र तथा बहुभाषिक म्यूजिक भिडियो अन्तरगत बहुविधामा पुरस्कार दिने, अग्रज कलाकारलाई सम्मान गर्ने र नेपाली चलचित्र तथा बिभिन्न भाषाका म्यूजिक भिडियोको प्रवद्र्धन गर्ने उद्देश्य रहेको आयोजकले जनाएको छ ।

चलचित्र तथा म्यूजिक भिडियो तर्फ अभिनेता, अभिनेत्री, निर्देशक, गायक र गायिका, छायाँकार, गीतकार, संगीतकार, कम्पोजर, एडिटर तथा अन्य प्राविधिक क्षेत्रका सर्जकलाई अवार्ड प्रदान गरिने आयोजकले जनाएको छ । यस्तै बहुभाषिक म्यूजिक भिडियो तर्फ अभिनेता, अभिनेत्री, गीत, संगीत, गायक र गायिका, संगीतकार, एरेञ्जर, सम्पादन, कोरियोग्राफि, पोष्ट पोडक्टशन, मेकअप, हेयर तथा विधागत अवार्ड प्रदान गरिने पनि आयोजक पक्षले जनाएको छ ।

कार्यक्रममा आगामी वर्ष ३० बैशाखमा जापानमा अवार्ड आयोजना हुने जनाइएको छ ।