२१ बिधामा ‘फस्र्ट फ्लाएर्स फिल्म अवार्ड’ हुने

लेन्सनेपाल २०७८ फागुन १५

‘फस्र्ट फ्लाएर्स फिल्म अवार्ड–०७९’ आयोजना हुने भएको छ । आगामी बैशाख २४ गते बिराटनगरमा सम्पन्न गरिने अवार्डबारे आइतबार राजधानीमा आयोजित पत्रकार सम्मेलनमा जानकारी दिइएको हो ।

चलचित्रका २१ बिधामा अवार्ड प्रदान गरिने जनाइएको छ । अवार्डका लागि ०७६, ०७७ र ०७८ चैत्र मसान्त भित्र प्रदर्शन भएका चलचित्रले सहभागीता जनाउन सक्नेछन् ।

ओजश फिल्मस् एण्ड इन्टरटेन्मेन्टले साइमन फिल्मस्, मुम्बइको डिजाइनमा अवार्ड हुनेछ । पछिल्लो समय अवार्डहरु बिबादित भइरहेको समयमा यो अवार्ड शतप्रतिशत निष्पक्ष हुने दावी आयोजकको छ । आयोजक संस्थाका प्रमुख साइमन राजबंशीले अवार्ड निष्पक्ष हुने भन्दै भनेका छन – ‘चलचित्र हेरेर जुरीले जे निर्णय गर्नुहुन्छ, त्यही नै अन्तिम निर्णय हुनेछ । आयोजकको कुनै हस्तक्षेप रहने छैन ।’

कार्यक्रममा कलाकार सरोज खनाल, अभिनेत्री तथा निर्देशक दीपाश्री निरौला, निर्देशक लक्ष्मण सुवेदी, कोरियोग्राफर कविराज गहतराज, नरेशवीर सिंहलगायतको उपस्थिति थियो ।