आर्यनको ‘सायरा’लाई बलिउडका विशालले निर्देशन गर्ने

लेन्सनेपाल २०७९ भाद्र ३

नेपाली चलचित्र ‘सायरा’लाई बलिउडका निर्देशक विशाल देसाईले निर्देशन गर्ने भएका छन् । यसअघि नै नायक आर्यन सिग्देललाई अनुबन्धन गरेको निर्माण टिमले बिहिबार निर्देशक विशालसँग कागजी सम्झौता गरेको हो । सम्झौता पछि निर्माता रघु परियारले दशैंबाट चलचित्रको छायाँकन शुरु हुने जनाएका छन् ।

सम्झौता पनि बिशालले नेपाली चलचित्र गर्न पाउँदा उत्साहित भएको बताए । अहिलेसम्म नेपाल नआएता पनि नेपाली जीवनशैलीसँग परिचित रहेको उनको प्रतिक्रिया छ ।

निर्देशक बिशलले ‘वीरगति’ र ‘ढोलकी’ नामक चलचित्र निर्देशन गरिसकेका छन् । यस्तै उनले ‘कामिनी दामिनी’ नामको टिभी सिरियल समेत निर्देशन गरेका छन् ।