‘अन्तिम संस्कार’ को टिजर सार्वजनिक

लेन्सनेपाल २०८० बैशाख २४

आगामी असार ८ गतेबाट प्रदर्शनमा आउने तयारीमा रहेको चलचित्र ‘अन्तिम संस्कार’ को टिजर सार्वजनिक गरिएको छ । सार्वजनिक टिजरमा चलचित्रका प्रमुख पात्रहरु सबैलाई समेटिएको छ । एक मिनेटको टिजरमा चलचित्रमा भएको सस्प्नेस,थ्रिलर,इमोसनलाई देखाउन खोजिएको छ ।

लण्डनमा बस्दै आएका निर्देशक प्रदीप शाहीको निर्देशन तथा लेखनमा बनेको चलचित्रमा विजय लामा, दिया पुन, रेश्मा घिमिरे, विशाल पहारी, कृष्णभक्त महर्जनल, श्याम राईलगायतको अभिनय छ ।

ह्याम्साएर एकाउन्टेनको सहकार्यमा साई प्रोडक्सन नेपालको ब्यानरमा निर्माण भएको चलचित्रका कार्यकारी निर्माता भाइराजा थापा, राजकुमार गुरुङ, सुमन राई, उत्सव विष्ट र रबिन्द्र श्रेष्ठ हुन् भने विनोद सुवेदी क्षितिज निर्माता हुन् । ‘मर्डर मिस्ट्रि ’को कथालाई चलचित्रमा समावेश गरिएको छ ।