‘फर्की फर्की’को ‘अन्तिम माया’ सार्वजनिक

लेन्सनेपाल २०८१ बैशाख २१

चलचित्र ‘फर्की फर्की’मा समावेश ‘अन्तिम माया’ बोलको गीत सार्वजनिक गरिएको छ । नरेन लिम्बुको स्वर, शब्द र संगीतमा ७ वर्षअघि चर्चित भइसकेको गीतलाई रि–एरेन्ज गरेर चलचित्रमा समावेश गरिएको हो ।

गीतको भिडियोमा मुख्य कलाकार अनमोल केसी र जसिता गुरुर्ङ फिचर्ड छन् । जेठ १० बाट प्रदर्शन हुने चलचत्रको यो गीतले दुई मुख्य पात्रको विछोडको मनोविज्ञान प्रस्तुत गरेको छ । सार्वजनिक भिडियोको मेकिङ पनि अब्बल छ ।

‘टाइम लुप’ जनरामा लभस्टोरी श्रेणीको चलचित्रलाई सुयोग गुरुङले निर्देशन गरेका हुन् । रोहित अधिकारी र ओम प्रकाश अग्रवाल निर्माता रहेको ‘फर्की फर्की’को ट्रेलरले प्राप्त प्रतिक्रियाका कारण चलचित्र प्रतिक्षित बनेको छ ।