Mahajatra

अनमोल केसीले गर्ने भए ‘हनी बनी’

२०७८ माघ २७
अनमोल केसीले गर्ने भए ‘हनी बनी’

‘एक्स ९’को छायाँकन अनिश्चित भएपछि अनमोल केसीले चलचित्र ‘हनी बनी’ गर्ने भएका छन् । दिवाकर भट्टराईको निर्देशनमा बन्न लागेको चलचित्रका लागि अनमोलसँग लिखित सम्झौता भएको छ ।

चलचित्रको छायांकन मार्च महिनाबाट लण्डनमा हुनेछ । चलचित्र ‘एक्स ९’का लागि जुँगा पालेर, तौल समेत बढाएका अनमोलले यतिबेला आफ्नो लुक्स परिवर्तन गरिसकेका छन् ।

एबी इन्टरनेसनलको प्रस्तुतिमा गौतम प्रोडक्सन र भ्वाइस फिल्मस् लिमिटेडको सहकार्यमा यो चलचित्र बन्न लागेको हो । चलचित्रमा अमित बस्नेत, अजितकुमार थापा र परी रानाको लगानी रहनेछ । चलचित्रका कार्यकारी निर्माता अंकित गौतम हुन् ।