माघ ४ मा रिलिज हुँदै घिमिरे निर्देशित ‘एक्टर’

लेन्सनेपाल २०८१ मंसिर २३

मदन घिमिरेको निर्देशन रहेको चलचित्र ‘एक्टर’ माघ ४ गतेबाट प्रदर्शन हुने भएको छ । चलचित्रमा प्रिन्स थापा, शिवानी गिरी, कशिस दाहाल, कृष्ण मल्ल, सरोज खनाल, शिबु शाह, निशा केसी भण्डारी, महेन्द्र मैनाली लगायतका कलाकारको अभिनय छ ।

पारिवारिक कथाको लभस्टोरी चलचिमा सम्राट थापाको कथा र संगीत, सम्राट बस्नेतको द्वन्द्व, माइकल चन्दको नृत्य, युवराज राई र डम्बर राईको छायाँकन रहेको छ ।

नेपाल डाइस्पोरा इन्टरटेनमेन्टको प्रस्तुति रहेको चलचित्रलाई बरिष्ट टिभि पत्रकार मनोहरी थापाले निर्माण गरेका हुन् । चलचित्रको यसअघि बिभिन्न स्थानहरुमा भएको बिशेष प्रदर्शन गरिएको थियो ।

स्मरण रहोस् ‘एक्टर’ नाम सँग मिल्दो ‘एक्टरः टेक वान’ नामको अर्को चलचित्र समेत निर्माण भएको छ । जुन चलचित्रलाई राजन भुसालले निर्देशन गरेका छन् ।