छायाँकन नहुदै ‘आ बाट आमा’को अस्ट्रेलिया र न्युजिल्याण्ड राइट्स् विक्री

लेन्सनेपाल २०८२ भाद्र १

छायाँकन शुरु नहुदै चलचित्र ‘आ बाट आमा’को अस्ट्रेलिया र न्युजिल्याण्ड प्रदर्शन अधिकार विक्री भएको छ । हिमारु इन्टरटेन्मेन्ट प्रा.लि.ले दुबै देशको अधिकार खरिद गरेको हो ।

चन्द्र पन्तको कथा, पटकथा तथा निर्देशन रहने चलचित्र आर्या इन्टरटेन्मेन्टको ब्यानरमा निर्माण हुने छ । मातृत्वको संवेदनशील कथा प्रस्तुत गर्ने चलचित्रको प्रदर्शनका लागि अन्य देशबाट समेत माग आएको निर्देशक पन्तले जनाए ।

चलचित्रमा पल शाह, उषा उप्रेती, विपना थापा, सिमरन पन्त सहित दक्षिण भारतीय चलचित्रका चर्चित अभिनेता प्रदीप रावत लगायतको अभिनय रहने छ ।

यही महिनाको अन्तिम साताबाट छायांकनमा निस्किने चलचित्र आगामी वर्षको फागुन १५ गतेदेखि देशव्यापी प्रदर्शन गर्ने लक्ष्य राखिएको छ ।