‘ए साथी सुन’को टिजर सार्वजनिक

लेन्सनेपाल २०७९ फागुन २९

चलचित्र ‘ए साथी सुन’को टिजर सार्वजनिक गरिएको छ । आइतबार टिजर सार्वजनिक गर्दै चलचित्र पूर्व निर्धारित मितिमा प्रदर्शन नहुने समेत जानकारी दिइएको छ । अब यो चलचित्र अर्को वर्ष जेठ ५ गतेबाट प्रदर्शनमा आउनेछ ।

टिजरमा अभिनेत्री वर्षा शिवाकोटी र डेब्यु अभिनेता रमेश बानियाँलाई प्रस्तुत गरिएको छ । चलचित्रमा आयन खड्का, सुशिल पोखरेल, जयनन्द लामा, रमेश अधिकारी, बिमला गिरीलगायतको पनि अभिनय छ ।

राम राघव आचार्यको लेखन तथा निर्देशनमा बनेको चलचित्र लभस्टोरी, थ्रिलर तथा कमेडी जनरामा निर्माण भएको हो । इभान इन्टरटेनमेन्टको ब्यानरमा बनेको चलचित्रलाई बीना कार्की र सन्तोषकुमार राईले निर्माण गरेका हुन् भने सहनिर्माता सुदीप पौडेल हुन् ।