‘ए मेरो हजुर ४’ प्रदर्शनमा, प्रिमियरमा सुखद प्रतिक्रिया

लेन्सनेपाल २०७९ बैशाख १

नयाँ वर्षको अवसर पारेर बहुप्रतिक्षित चलचित्र ‘ए मेरो हजुर ४’ प्रदर्शनमा आएको छ । उच्च प्रचार प्रसारका साथ प्रदर्शनमा आएको चलचित्रले विहानी शोबाटै आक्रामक व्यापारको सुरुवात गरेको छ ।

झरना थापा निर्देशित चलचित्रले विदेशी चलचित्रको दबदबाका बावजुद पनि ओपनिङ ब्यापारमा राम्रो शुरुवात गरेको हो । प्रिमियर शोबाटै उत्कृष्ट प्रतिक्रिया बटुलेको चलचित्रले दर्शकबाट पनि उत्कृष्ट प्रतिक्रिया पाएको छ । वर्ड अफ माउथ राम्रो पाएकाले चलचित्रले बक्सअफिसमा सुखद व्यापार गर्ने संकेत देखाएको छ ।

चलचित्र हेरेका अधिकांश दर्शकले अनमोल केसी, सुहाना थापा र सलोन बस्नेतको अभिनयलाई मन पराएका छन् । डेव्यु सिनेमाबाट वाहवाही बटुलेकी सुहाना र अनमोलको अभिनयको तारिफ दर्शकबाट मिलिरहेको छ ।

चलचित्रमा रवि गिरी, सरोज खनाल, लुनिभा तुलाधर, रक्षा गौतम लगायतका कलाकारको पनि अभिनय छ । सुनिल कुमार थापाले निर्माण गरेको चलचित्रमा मित्र डि गुरुङको सम्पादन, रामजी लामिछाने र कविराज गहतराजको कोरियोग्राफी र हिमाल केसीको द्वन्द्व निर्देशन रहेको छ ।