‘यो मायाको सागर २’ को तयारीमा रमेश उप्रेति

लेन्सनेपाल २०७६ पौष ११

पछिल्लो समय सफल चलचित्रको सिरिज वा सिक्वेल बनाउने क्रम बढीरहेको छ । केही निर्माताहरु तत्काल सफल भएको चलचित्रको सिरिज वा सिक्वेलको पछि छन् भने केही निर्माताहरु पुराना सफल चलचित्रको रिमेक गर्ने वा सिरिज बनाउने ध्याउन्नमा लागेका छन् ।
कलाकार रमेश उप्रेति पनि सफल चलचित्रको सिक्वेल वा वा सिरिज निर्माणमा जुटिरहेका छन् । हाल ‘ऐश्वर्य २’ को स्कृप्टमा व्यस्त रमेशले त्यसपछि ‘यो मायाको सागर २’ निर्माण गर्ने तयारी समेत गरेका छन् ।

Ramesh Upreti

Know more about 'Ramesh Upreti'

Yo Maya Ko Sagar

Know more about Nepali Movie 'Yo Maya Ko Sagar'

सन् २००० डिसेम्बर ३१ मा प्रदर्शनमा आएको ‘यो मायाको सागर’ रमेश उप्रेतिको सफल मध्येको एक चलचित्र हो । तर, यसका निर्माता तथा निर्देशक भने अशोक शर्मा हुन् । यसअर्थ सिक्वेल वा सिरिज निर्माणका लागि रमेशले अशोकसँग अनुमति मागेका छन् । रमेशका अनुसार अशोकसँग कुरा भइसकेको छ । अशोकले अनुमति दिएमा रमेशले ‘यो मायाको सागर २’ को निर्माण गर्नेछन् । उनी निर्माणमा अशोकसँग सहकार्य समेत गर्न इच्छुक देखिन्छन् ।

यो समाचार तयार पार्दा सम्म अशोकले ‘यो मायाको सागर २’ का लागि रमेशलाई अनुमति दिइसकेका छैनन् । अनुमति दिएभने रमेशले ‘ऐश्वर्य २’ पछि यही चलचित्र निर्माण गर्नेछन् ।