कलाकार विजय लामा निगम प्रवक्तामा नियुक्त

लेन्सनेपाल २०७५ पौष ५

राष्ट्रिय ध्वजाबाहक नेपाल वायुसेवा निगमका बरिष्ठ क्याप्टेन विजय लामा निगमको प्रवक्तामा नियुक्त भएका छन् । निगमले मंगलबार उनलाई प्रवक्ताको जिम्मेवारी दिएको हो ।

लामा कलाकार समेत हुन । लेन्स नेपाल डटकमको रेकर्ड अनुसार लामाले १७ नेपाली चलचित्रका साथै नेपालमा छायाँकन गरिएको हलिउड चलचित्र‘एभरेष्ट’ मा पनि अभिनय गरेका छन् ।

बुधबारबाट उनले पाइलटसँगै प्रवक्ताको जिम्मेवारी समेत सम्हालेका छन् । पछिल्लो समय उनी निगमको १ सय ५८ सिट क्षमतायुक्त ‘ए३२०–२००’ सिरिजका जहाज उडाइरहेका छन् । झण्डै तीन दशकदेखि उनी निगममा पाइलटको रुपमा कार्यरत छन् ।