![Modibeni](https://www.lensnepal.com/files/adds/modibeni.jpg)
![Numbari Sun](https://www.lensnepal.com/files/adds/numbarisun.jpg)
चलचित्र ‘छिरिङ्ग’को ‘ए कान्छा’ गीत रिलिज
![चलचित्र ‘छिरिङ्ग’को ‘ए कान्छा’ गीत रिलिज](https://www.lensnepal.com/files/news/tshering-song-eh-kanchha-released.jpg)
नेपाली गीतसंगीतको कुरा गर्दा बिर्सनै नसकिने मध्येको एक गीत हो अम्बर गुरुङको ए कान्छा... । गुरुङको संगीतमा अरुणा लामा र रुद्र गुरुङको स्वर रहेको यो गीतलाई पासाङ बङ्बालले लेखेका थिए ।
अहिले यही गीतलाई रिमेक गरेर चलचित्र छिरिङ्गमा समावेश गरिएको छ । रिमेक गरिएको गीतमा संगीतकार यश कुमारले ओरिजिनल मेलोडीलाई मर्न दिएका छैनन् । केही शव्दहरु परिवर्तन लगरिएको छ अनि यश कुमार र सुनिता थेगिमको स्वर रहेको छ ।
शुक्रबारदेखि प्रदर्शन हुने चलचित्र छिरिङ्गमा समावेश यो गीतको भिडियो पनि सार्वजनिक गरिएको छ । गीतमा यशकुमार र कामना भुजेल फिचर्ड छन् । रिमेक गरिएकोले छिरिङ्गको गीतमा अम्बर गुरुङ र यश कुमारको संगीत तथा पासाङ बङ्बाल र यश कुमारको शब्द छ । कविराज गहतराजले कोरियोग्राफी गरेका छन् ।
चलचित्रमा गायक टर्न नायक निमा रुम्वा र यश कुमारका साथै यसै चलचित्रबाट डेव्यु गरेकी कामना भुजेलको मुख्य भुमिका रहेको छ ।
बहुपति प्रथामा आधारित चलचित्रमा एक युवतीका दुई श्रीमान विचको द्वन्द्व हावी छ । सुनिल माथेमा प्रधान, आइबी दर्नाल र नवीन बुढाथोकीको निर्माण रहेको चलचित्रलाई यश र याम थापाले संयुक्त रुपमा लेखेका हुन् । चलचित्रमा मानकृष्ण महर्जनको छायाँकन, चन्द्र पन्तको द्वन्द्व, कविराज गहतराजको कोरियोग्राफी, मिलन श्रेष्ठ र साहिल खानको सम्पादन छ । चलचित्रलार्इ यश कुमारले निर्देशन गरेका हुन ।
![Gharjwai](https://www.lensnepal.com/files/adds/gharjwai.jpg)
![](https://www.lensnepal.com/files/adds/Ishworwebbanner.jpg)
Latest Updates
New Releases (Ashad 7)
-
Daanvi
Director : Rupesh Tamang
Casts : Puja Sharma, Kunsang Bomjan, Monalisa Khatiwada, Rajaram Poudyal, Kalu Rana