चलचित्र ‘तिम्रो मेरो साथ’को पोस्टर सार्वजनिक

लेन्सनेपाल २०७९ कार्तिक ७

चलचित्र ‘तिम्रो मेरो साथ’को पोस्टर सार्वजनिक गरिएको छ । तिहारको अवसर पारेर सार्वजनिक गरिएको पोस्टरमा अभिनेत्री साम्राज्ञी र पुष्पलाई रोमान्टिक अवतारमा छन् । पोस्टरमा स्विमसुटमा सजिएकी साम्राज्ञीलाई पुष्पले बोकिरहेको देख्न सकिन्छ । रमेश एमके पौडेलको डेब्यु निर्देशन रहेको चलचित्र आगामी पौष २९ गतेबाटप्रदर्शन हुनेछ ।

चलचित्रमा पुष्प र साम्राज्ञीका अलवा सन्दिप क्षेत्री, खड्क बहादुर पुन (खबपु), इमिली लामा, सरोज खनाल र बिशेष भूमिकामा ध्रुब दत्तले अभिनय गरेका छन् ।

‘रातो टीका निधारमा’पछि अभिनेत्री साम्राज्ञी राज्यलक्ष्मी शाहको हलमा रिलिज हुने पहिलो चलचित्र हो । ‘तिम्रो मेरो साथ’मा पौडेल स्वंयमको कथा, गीत र निर्माण रहेको छ ।

आर्यन फिल्मस तथा बोधी एच डी अमेरिकाको ब्यानरमा निर्माण भएको चलचित्रको निर्मातामा पासांग लामा र सहनिर्मातामा निरू भण्डारी, अशोक पोखरेल, सुमन पौडेल र सुधिर पराजुली रहेका छन भने कार्यकारी निर्माता सबिर श्रेष्ठ हुन्।

चलचित्रमा कार्यकारी निर्माता सबिर श्रेष्ठको पटकथा र सम्वाद रहेको छ । शिव ढकालको छायांकन रहेको चलचित्रमा योगेश काजीको संगीत सुन्न सकिन्छ ।