‘भ्वाइस अफ नेपाल सिजन २’को उपाधी राम लिम्बुलाई

लेन्सनेपाल २०७६ मंसिर २२
‘भ्वाइस अफ नेपाल सिजन २’को उपाधी राम लिम्बुलाई

‘दि भ्वाइस अफ नेपाल सिजन २’को उपाधी राम लिम्बुले जितेका छन् । शनिबार साँझ होलट हायातमा सम्पन्न ग्राण्ड फिनालेमा अन्य ३ प्रतिस्पर्धीलाई पछि पार्दै रामले उपाधी हात पारेका हुन् ।

दर्शकको भोटिङको आधारमा राम लिम्बु विजेता भएको कार्यक्रममा आयोजकले घोषणा गरेको थियो । ‘दि भ्वाइस अफ नेपाल’को अन्तिम चारमा सनिष श्रेष्ठ, राम लिम्बु, विकास लिम्बु र आरिफ राउफ पुगेका थिए ।

विजेता बनेसँगै लिम्बुले कार, १२ लाख पुरस्कार, म्यूजिक नेपालबाट एल्बम निकाल्ने अवसर लगायत विभिन्न पुरस्कार हात पारेका छन् । लिम्बु कोच प्रमोद खरेललको टिममा रहेका थिए । व्लाइण्ड अडिसनमा कोच दिपलाई छनौट गरेका रामलाई व्याटलमा प्रमोदले स्टील गरेका थिए । दीप श्रेष्ठ, प्रमोद खरेल, राजु लामा र आस्था राउत कोच रहेको कार्यक्रम हिमालय टिभीबाट प्रसारण भएको थियो ।