‘समर लभ’को गीत ‘गुनासो छैन’ सार्वजनिक

लेन्सनेपाल २०७५ माघ २२

चलचित्र ‘समर लभ’को तेस्रो गीत सार्वजनिक गरिएको छ । सार्वजनिक ‘गुनासो छैन’ बोलको गीतको भिडियोलाई लिरिकल बनाइएको छ । गीतमा पुष्पन प्रधानको शब्द तथा संगीत समावेश छ भने भोकल र एरेञ्जमा रिकेश गुरुङ छन् । गीतमा कलाकारहरु आशिष पिया, रेवती क्षेत्रीसँगै सुरजसिंह ठकुरीलाई फिचर गरिएको छ ।

माघ २५ बाट प्रदर्शन हुने चलचित्रको यसअघि सार्वजनिक प्रचार सामग्रीले राम्रो प्रतिक्रिया पाइरहदा स्याड भर्सनको गीत सार्वजनिक भएको हो । चलचित्रमा आशिष पिया, रेवती क्षेत्री, सुरजसिंह ठकुरी, सरोज खनाल, शिशिर भण्डारी, कविता रेग्मी, ओमप्रतिक गुरुङलगायतका कलाकारको पनि अभिनय रहेको छ ।

Summer Love

Know more about Nepali Movie 'Summer Love'

मुस्कान ढकाल निर्देशित चलचित्रलाई खगेन्द्र श्रेष्ठ र इन्दु भण्डारीले निर्माण गरेका हुन् भने बिनोद अधिकारी कार्यकारी निर्माता हुन । एकराज तामाङ लाईन प्रोड्यूसरमा छन् भने सोपन सरकार र मनोज बिक सहनिर्माता हुन् । चलचित्र सुबिन भट्टराईको चर्चित कृति ‘समर लभ’मा आधारित छ ।