चलचित्र ‘सम्हालिन्छ कहिले मन’को गीत सार्वजनिक

लेन्सनेपाल २०७९ आषाढ ३
चलचित्र ‘सम्हालिन्छ कहिले मन’को गीत सार्वजनिक

सुदर्शन थापा निर्देशित चलचित्र ‘सम्हालिन्छ कहिले मन’को गीत सार्वजनिक गरिएको छ । शुक्रवार राजधानीमा आयोजित एक कार्यक्रमका बिच गीत सार्वजनिक गरिएको हो । सार्वजनिक गरिएको ‘जरुरी कुरा छ’ बोलको गीतमा सुरेश लामा र अञ्जु पन्तको युगल स्वर छ भने अर्जुन पोखरेलको संगीत र सुरेश वाग्लेको शब्द छ ।
 
कविराज गहतराजले कोरियोग्राफी गरेको गीतको भिडियोमा सोनम तोप्देन र अभिनेत्री पूजा शर्मा फिचर छन् । दुबईमा खिचिएको गीतमा उनीहरुको केमेस्ट्री जमेको छ ।
 
भदौ १७ गतेबाट प्रदर्शन हुन लागेको चलचित्रमा पूजा र सोनमका अलवा आकाश श्रेष्ठ, गौरी मल्ल, सरोज खनाल, धिरेन शाक्यलगायतका कलाकारहरुको पनि अभिनय छ । 

एवि इन्टरनेशनलको ब्यानरमा निर्मित चलचित्रमा महेश दवाडीको कथा, अर्जुन पोखरेल, ताराप्रकाश लिम्बु र जेम्स प्रधानको संगीत, शैलेन्द्र मान प्रधानको ब्याकग्राउन्ड म्यूजिक, शौरभ लामाको छायाँकन र अर्जुन जिसीको सम्पादन रहेको छ । चलचित्रका निर्मातामा अमित बस्नेत, सहनिर्मातामा परी राना र अजितकुमार थापा र कार्यकारी निर्मातामा सनिस खकुरेल र अंकित गौतम छन् ।