अभिनेता सिग्देल ‘माग्ने राजा’मा अनुबन्धित

लेन्सनेपाल २०८१ माघ ६

अभिनेता आर्यन सिग्देल चलचित्र ‘माग्ने राजा’मा अनुबन्धित भएका छन् । ऋषि लामिछानेको निर्देशन रहने चलचित्रको विषेश भूमिकामा सिग्देलसँग सम्झौता भएको हो । यतिवेला दिनेश राउतको निर्देशनमा निर्माण भइरहेको चलचित्र ‘महाभोज’को छायांकनमा व्यस्त आर्यनले फागुनमा ‘माग्ने राजा’लाई समय दिनेछन् ।

फागुन पहिलो हप्ताबाट फ्लोरमा निस्कने चलचित्रको शिर्ष भूमिकामा यसअघि नै केदार घिमिरे (माग्ने बुढा) सहित कलाकारहरु वर्षा सिवाकोटी, शिशिर वाङ्देल र टिकटकर पवित्रा साकी (मिस पबी) अनुबन्धित भइसकेका छन् ।

आरम्भ प्रोडक्सनको ब्यानरमा निर्माण हुने चलचित्रमा सामिप्यराज तिमिल्सेनाको लेखन, नरेन्द्र मैनालीले छायांकन र दीपक शर्माको संगीत रहने छ । चलचित्रलाई मुनाल घिमिरेले निर्माण गर्न लागेका हुन् ।