चलचित्र ‘सतीदेवी’को टिजर सार्वजनिक

लेन्सनेपाल २०८१ जेष्ठ २५

चलचित्र ‘सतीदेवी’को टिजर सार्वजनिक गरिएको छ । शुक्रबार सार्वजनिक टिजरले परिवारको वंश धान्न छोरा नै चाहिन्छ भन्ने पितृसत्तात्मक सोचलाई प्रश्न गरेको छ । टिजर हेर्दा वर्ष १९ कि सतिदेवी अधिकारी मार्फत कथा भनेको बुझ्न सकिन्छ । चलचित्रको शिर्ष भूमिकामा मल्लिका महतले अभिनय गरेकी छिन ।

लक्ष्मण सुवेदीको लेखन तथा निर्देशन रहेको चलचित्रको टिजरमा समावेश केही दृष्य तथा सम्वादहरु निकै मर्मस्पर्शी लाग्छन् । साउन चार गतेबाट प्रदर्शन हुने चलचित्रले प्रदर्शन पूर्वनै केही फेष्टिवलहरुमा अवार्डहरु प्राप्त गरिसकेको छ । चलचित्रमा मलिकाका अलवा रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी, सृजना अधिकारी, मनिषा सापकोटा, सुजिता सिवाकोटी, तुलसी श्रेष्ठलगायतको अभिनय रहेको छ ।

दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको संयुक्त प्रस्तुति रहेको चलचित्रलाई श्रीदेवी, दिलासा र सारा सुवेदीले निर्माण गरेका हुन् । चलचित्रमा बाबु श्रेष्ठले छायांकन, दीपक शर्मा र सुवास भुसालको संगीत र रामजी लामिछानेको कोरियोग्राफी छ ।