रोशनीको भिडियोमा झण्डै ३ दर्जन कलाकार

लेन्सनेपाल २०७७ पौष २९
रोशनीको भिडियोमा झण्डै ३ दर्जन कलाकार

झण्डै ३ दर्जन चर्चित कलाकारको अभिनय रहेको राष्ट्रिय गीत ‘त्यही सच्चा नेपाली’ सार्वजनिक भएको छ । आनन्द अधिकारीको शब्द रकेको गीतमा देविका बन्दना र राजन इशानको स्वर र राजनकै संगीत रहेको छ ।

अभिनेत्री तथा निर्माता रोशनी केसीको निर्देशन रहेको भिडियोमा संस्कृतविद्ध सत्यमोहन जोशी, कलाकार नीर शाह, गौरी मल्ल, करिश्मा मानन्धर, निर्मल शर्मा, राजाराम पौडेल, दीपाश्री निरौला, दिनेश डिसी, नम्रता सापकोटा, निराजन प्रधान, प्रशान्त ताम्राकार, आकाश श्रेष्ठ, उषा खड्गी, कविता शर्मा, दीलिप रायमाझी, गायिका देविका बन्दना, अनु शाह, छुल्ठिम गुरुङ, धीरेन शाक्य, सम्राट सापकोटा, शिवशंकर रिजाल, खुश्बु खड्का, कविता खड्का, दीपा शाक्य, रजनी केसी, दीपक घिमिरे, शिलाष्मा हमाललगायत ३० बढी चर्चित अनुहारको अभिनय समेटिएको छ ।

चलचित्र ‘यात्रा’का निर्माता चिजकुमार श्रेष्ठको निर्माण रहेको गीतको भिडियोमा रामशरण उप्रेतीको छायाँकन, विक्रम स्वाँरको कोरियोग्राफी र अर्जुन जिसीको सम्पादन रहेको छ ।