रोड रेसमा कलाकारहरु

लेन्सनेपाल २०७६ कार्तिक २७

कलाकारहरु रोड रेसमा निस्कने भएका छन् । वातावारणीय स्वच्छताको लागि भन्दै कलाकार, मोडल र गायक गायिका ३ किलोमिटर रोड रेसमा सहभागी हुने भएका हुन् ।

नेपाल चलचित्र कलाकार संघ र कान्ति साँस्कृतिक केन्द्रको संयुक्त आयोजनामा ३ किलोमिटर रोड रेस आयोजना हुने भएको हो । रोड रेस कार्तिक ३० गते शनिबार प्रहरी तालिम केन्द्र महाराजगंज आगाडी बाट सुरु भई लाजिम्पाट पुगेर पुनस् सोहि स्थानमा समापन हुने छ ।

प्रतियोगिताका बिजेताहरुलाई नगद सहित अन्य पुरस्कार समेत प्रदान गरिने जनाइएको छ । उक्त प्रतियोगितामा सम्पूर्ण चलचित्रकर्मी, कलाकार, गायक गायिका तथा संचारकर्मीलाई सहभागिताको लागि चलचित्र कलाकार संघका अध्यक्ष रबिन्द्र खड्काले आव्हान समेत गरेका छन् ।