भजन शिरोमणी भक्तराज आचार्यको निधन
भजन शिरोमणी भक्तराज आचार्यको निधन भएको छ । ८२ वर्षीय आचार्यको सोमबार अपराह्न साढे ४ बजेतिर अचानक स्वस्थ्य अवस्था बिग्रिएपछि ललितपुरको मेडिसिटी अस्पताल लैजाने क्रममा बाटोमै निधन भएको जानकारी प्राप्त भएको छ ।
उनको पार्थिव शरीरलाई मंगलबार बिहान ९ बजे संगीत तथा नाट्य प्रज्ञा प्रतिष्ठानको परिसरमा अन्तिम श्रद्धाञ्जलीका लागि राखिने भएको छ । राष्ट्रिय सम्मानका साथ उनको बिदाइ गर्ने तयारी भइरहेको जानकारी प्राप्त छ । २०४६ मंसिर १९ गतेको एउटा दुर्घटनापछि उनी गाउन नसक्ने भएका थिए । दशैंको समयमा लडेर टाउकोमा चोट लगेपछि आचार्य घरमै आराम गर्दै आइरहेका थिए ।
बुबा बलभद्र र आमा रेनुकाको कोखबाट वि.सं. १९९९ साल असोज १६ गते धनकुटामा जन्मिएका आचार्य बिशिष्ठ गायक तथा संगीतकार हुन् । उनी वि.सं. २०३० सालमा काठमाडौंमा भएको ‘अधिराज्यव्यापी राष्ट्रिय गीत प्रतियोगिता’मा प्रथम भएपछि रेडियो नेपालमा जागिरे भएका थिए । वि.सं. २०४६ सालसम्ममा आचार्यले साढे चारसय गीत रेकर्ड गरिसकेका थिए । उनले गजल, भजन, राष्ट्रिय गीत र बालगीत समेत गाएका छन् ।
आचार्यको ‘मुटु जलिरहेछ’, ‘जहाँ छन् बुद्धका आँखा’, ‘हजार सपनाहरुको’, ‘जति चोट दिन्छौ’ लगायत गीत कालजयी छन् । उनको जीवनीमा आधारित भएर चलचित्र ‘आचार्य’ समेत बनेको छ । ११ वर्ष अगाडि निर्माण भएको चलचित्रमा उनकै जेठा सत्यराज आचार्यले मुख्य भूमिका निर्वाह गरेका छन् ।
Latest Updates
New Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang -
The Red Suitcase
Director : Fidel Devkota
Casts : Saugat Malla, Shristi Shrestha, Bipin Karki, Prabin Khatiwada
Next Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri