‘रंगी’को मध्यपूर्व र मलेशिया अधिकार बिक्री

लेन्सनेपाल २०८१ कार्तिक २८

छायाँकनरत् चलचित्र ‘रंगी’को मध्यपूर्व र मलेशिया अधिकार बिक्री भएको छ । चलचित्रको मध्यपूर्व र मलेशिया अधिकार आशिष इन्टरटेनमेन्टले किनेको हो । निर्माण पक्षले के–कति रकममा बिक्री गरेको हो भन्ने केही खुलाएको छैन ।

सलोन बस्नेत प्रस्तुतकर्ता रहेको चलचित्र सान्भी इन्टरटेनमेन्ट प्रालिको व्यानरमा निर्माण भइरहेको छ । सुरेश न्यौपानेको निर्देशन रहेको चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ र विशाल पहारीलगायतको अभिनय छ ।

सक्षम सुवेदीको निर्माण रहेको चलचित्रमा सुमन गजमेरको लेखन, सौरभ लामाको छायाँकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी रहेको छ ।