कलाकार अधिकारीलाई ‘विष्णुभक्त रङ्गकर्मी सम्मान’

लेन्सनेपाल २०७९ पौष २४

कलाकार रामचन्द्र अधिकारीलाई २५ हजार नगद राशिको ‘विष्णुभक्त रङ्गकर्मी सम्मान २०७९’ प्रदान गरिएको छ । विष्णुभक्त– तारादेवी स्मृति गुठीद्वारा शनिवार आयोजित स्मृति सभा कार्यक्रममा कलाकार अधिकारीलाई सो सम्मान गरिएको हो ।

वरिष्ठ रङ्गकर्मी एवं कलाकार विष्णुभक्त फुयाँलको सम्झनामा उक्त सम्मान स्थापना गरिएको हो । २०७३ साल पुस १९ गते नाटक यज्ञवल्क्यका राजामा जनकको भूमिकामा अभिनय गर्दा गर्दै मञ्चमै कलाकार फुयाँलको निधन भएको थियो ।