रेशम चौधरीको ‘कस्तो होला भाटु राजाको दरबार’

लेन्सनेपाल २०८० जेष्ठ २६

टिकटकमा अत्यधिक रुचाईएको गीत ‘कस्तो होला भाटु राजाको दरबार’को म्युजिक भिडियो सार्वजनिक गरिएको छ । रेशम चौधरी र आभा मुकारुङको स्वर रहेको गीतमा रामचन्द्र बोगटीको शब्द र रेशम चौधरीको संगीत रहेको छ ।

थारु समुदायभित्रको रहन सहन, कला संस्कृतिलाई झल्काउन खोजिएको भिडियोमा राज गजमेर, अस्मिता तामाङ, एञ्जल श्रेष्ठ लगायतको अभिनय रहेको छ । सागर क्षेत्रीले निर्देशन गरेको भिडियोमा सविना भण्डारी र दिनेश एसकेको कोरियाग्राफी, श्याम लामा र प्रेम लामाको छायाँकन र टेकेन्द्र शाहको सम्पादन रहेको छ । भिडियोलाई कुमार कार्कीले निर्माण गरेका हुन् ।